Urtero aztertzen dugu (H)ari Naizela irratsaioan, Ahoz Aho sar dadila kalabazan ahozkotasunaren nazioarteko jaialdiko libreko saioa. Urrezko kalabazak banatzen dituzte Intujai Teatrok antolatzen duen ahozkotasunaren nazioarteko jaialdiko azken egunean, eta azken urteetan inoiz ez dira falta izaten bertsolariak. Iaz bezala, aurten ere Bixente Gorostidi eta Amaia Agirre izan ziren kantuan.
Horrez gain, Amaia Agirrek, lehenengo señora txapeldunak, Señora Sariketan kantatutako bertsoaldi bat ere ekarri dugu; baita Euskadi Irratiko Hitza Jolas irratsaioan eskualdeko gazteek kantatu dituzten bederatzikoak ere.
Irratsaio amaierako kantua: "Yup lala" (Hitza eta musika: Etxamendi eta Larralde).
