Amalurra saioan, Martin Mantxo ekologistarekin hainbat gai jorratu ditugu: Eusko Jaurlaritzak uko egin diola Armentia II-n gasa ustiatzeari; Kolonbian USO sindikatua, petrolioaren arloko nagusiena, frackingaren aurka azaldu dela; Frantziako Total enpresan langileak egiten ari diren greba; eta 25 urte bete direla Itoizko urtegian solidarioek klabeak moztu zituztela. Garikoitz Plazaola Eguzki talde ekologistako kidearekin, Aralarko Saltarriko pistaren auzia artxibatu egin dela izan dugu hizpide, eta horrez gain, azkenaldian eskualdean egin diren ibai eta erreken garbiketen inguruan hitz egin dugu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!