Atzo arte, Aiztondoko Plazida Otaño liburutegian ikusgai izan den erakusketaz hitz egin digu Irene Urruzola liburuzainak. Emakumeen Nazioarteko Eguna eta Poesiaren Nazioarteko Eguna uztartu dituzte eta emakumezko poeten lanak, emakume artistek egindako artelanekin lotu dituzte.
Galtzaundi irakurle taldeak ostiralean, martxoaren 26an, 18:00etan egingo du hurrengo hitzordua eta Safo: poesia guztia liburua aztertuko dute irakurleek. Yurre Ugarte taldearen dinamizatzaileak hitz egin digu Letren Errepublikan.
Oihana Iguaranek Elkar argitaletxean aurkeztu berri du gaztetxoentzat Horma lana. Aurkezpen ekitaldian esandakoak jaso ditugu gaurko irratsaioan.