Lehen mailako aizkolariek euren kabuz antolatutako txapelketa da, Euskal Herriko Herri Kirol Federazioaz aparte. Mujikaz eta Irazuz gain, beste zortzi aizkolari ariko dira: Jon Rekondo, Mikel Larrañaga, Iker Vicente, Eneko Otaño, Ugaitz Mugertza, Ruben Saralegi, Julen Alberdi Txikia IV.a eta Aitzol Atutxa. Lopez eta Azurmendi dira beste lehen mailako aizkolariak, baina hauek ez parte hartzea erabaki dute, ez direlako behar bezala prestatu.
Egin beharreko lana ondorengoa izango da: bi kanaerdiko, bi 60 ontzako eta bi oinbiko. Finalean izango duten lanaren erdia, hain justu. Finalera aurreneko seiak pasako dira.