Lehen saioa Usurbilen egin zuten. Txanda hartan Otamendi izan zen onena eta Imaz, berriz, bukatzen hirugarrena izan zen.
Izatez, hiru saio egin behar zituzten, baina koronabirusa dela-eta, bi saiotara murriztu da txapelketa.
Bigarren, eta azken saioa, Zaldibian jokatu zuten, joan den asteburuan. Oraingoan Imazek irabazi zuen, eta bere atzetik amaitu zuen Otamendik.
Beraz, azkenean, txapelketa Otamendik irabazi du 119 puntu lortuta, eta Imaz, berriz, bigarren geratu da 118 punturekin.
Gizonezkoetan, berriz, Mikel Lizartza tolosarra eta Joakin Garmendia anoetarra izan dira eskualdeko ordezkariak. Bi saioetan aritu ondoren, sailkapen orokorrean, bosgarrena izan da Lizartza 112 punturekin. Garmendia, aldiz, bere atzetik geratu da 108 puntu lortuta, sailkapeneko seigarren postuan.
Amaitzeko, gazteen mailan, Auritz Alkorta asteasuarrak hirugarren postua lortu du, guztira, 117 punturekin.