%36,02ko parte-hartzea izan da 17:00ak arte, 2016an baino 8,36 puntu gutxiago

Eusko Jaurlaritzako Segurtasun Sailburu Estefania Beltran de Herediak 17:00ak arteko parte hartze datuen berri eman du 18:00etan egin duen agerraldian. Ordurako, herritarren %36,02k eman du botoa; 2016ko hauteskundeetan %44,38koa izan zen parte-hartzea.

Eusko Legebiltzarreko 75 eserlekuak (probintzia bakoitzean 25) beteko dituzten kideak aukeratzeko eguna da gaurkoa eta horretarako, 1.790.243 herritar daude botoa ematera deituta, momentuak eskatzen dituen segurtasun neurri zorrotzak betez.

EAEko parte-hartze datuekin batera, lurralde bakoitzeko ehunekoen berri ere eman du Beltran de Herediak. Gipuzkoan, %7,79 egin du behera (2020an, %36,67; 2016an, %44,46). Bizkaian, berriz, %8,46 jaitsi da (2020an, %36,40; 2016an, %44,86). Azkenik, Araban, herritarren %9,27 gutxiagok bozkatu du (2020an, %33,21; 2016an, %42,48). 

12:00etara bitarteko parte-hartzea %14,4koa izan da.

Hauteskunde gaua ataria.eus-en

20:00etatik aurrera TOLOSALDEKO ATARIA-k jarraipen berezia egingo dio egun honi eta eskualdeko eta herriz herriko emaitzak ikusteko aukera egongo da ataria.eus webgunean.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!