Ekaitzetarako proportzioa txikia da, baina ezin da baztertu txokoren batean ekaitza lehertzea. Haizeak goizean hego-ekialdetik joko du, arratsaldean ipar-mendebaldetik finkatzeko eta tenperatura maximoak zertxobait igoko dira, goia 27-29ºC-tan joaz. Iluntzean ipar-mendebalarekin nabarmen freskatuko du.
Ostirala (uztailak 10)
Giro motel eta freskoagoa. Ipar-haizeak eta fronte ahul batek hodeitza handia utziko digute. Hodei hauek egunaren lehen zatian euri pixka bat ere utziko digute, orokorrean euri-langar modura. Eguerditik aurrera zaparradak geroz eta tartekatuagoak izango dira, iluntze-gau alderako ateri geratuz. Termometroek nabarmen behera egingo dute eta ez dira 20-22ºC-tatik pasako.