Giro eguzkitsua eta beroagoa

Erabiltzailearen aurpegia Iker Ibarluzea 2020ko uztailaren 8a

Goizean goizetik giro urdina nagusituko da, nahiz eta, behe-laino pixka bat ager daitekeen. Arratsaldean beroaren eraginez bero-hodeiren bat agertuko da, baina inolako ondoriorik ekarri gabe. Haizeak ekialde/ipar-ekialdetik joko du eta tenperatura maximoek koska polita egingo dute gora, 26-27ºC-tan joaz goia.

Osteguna (uztailak 9)

Giro eguzkitsua, baina zertxobait ezegonkorra. Goizean, goi-hodei batzuk salbu, giro eguzkitsua izango dugu. Arratsaldean aldiz, batetik bero-hodei batzuk garatuko dira eta bestetik behe-hodeiak sartzen joango dira itsasotik. Ekaitzetarako proportzioa txikia da, baina ezin da baztertu txokoren batean ekaitza lehertzea. Haizeak goizean hego-ekialdetik joko du, arratsaldean ipar-mendebaldetik finkatzeko eta tenperatura maximoak zertxobait igoko dira, goia 27-29ºC-tan joaz. Iluntzean ipar-mendebalarekin nabarmen freskatuko du.

Ingurumena

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!