Hala ere, ekaitzetarako proportzioa ez da handia eta leku gehienetan ateri eutsiko dio. Haizeak goizean eta arratsalde erdirarte hego-ekialdetik joko du eta horrekin termometroak 33-34ºC-tara igoko dira. Arratsalde erditik aurrera ipar-haizea sartu eta zertxobait freskatuko du.
Osteguna (ekainak 25)
Are gehiago ezgonkortuko da eguraldia. Goizean goizetik zeru hodeitsu xamarra izango da. Hala ere, goizean ateri eutsiko dio. Arratsaldean ordea bero-hodeiak ugaritu eta ekaitzetara joko du. Ekaitzak handi xamarrak izango dira eta ez da baztertzen kazkabarra botatzea eta zaparrada gogorrak izatea. Haizeak mendebaldetik joko du eta tenperatura maximoak jaitsi egingo dira, eguneko erdiko orduetan 27-28ºC-tan joaz goia.