Hego-ekialdeko haizea sartuko zaigu eta horrek tenperaturen igoera nabarmena ekarriko du, berarekin bero handia ekarriz. Tenperaturek eguneko erdiko orduetan 33-34ºC bitartean joko dute goia. Zeruari dagokionez aitzakia gutxi. Egun osoan zehar zeru urdina nagusituko da.
Asteazkena (ekainak 24)
Giro beroa baina ezegonkorra. Zeruan jada hodei gehiago ikusiko dugu goizen goizetik. Orokorrean erdi eta goi-mailako hodeiak izango dira. Arratsaldean bero-hodeiak garatu eta ekaitzetara joko du. Hala ere, ekaitzetarako proportzioa ez da handia eta leku gehienetan ateri eutsiko dio. Haizeak goizean eta arratsalde erdirarte hego-ekialdetik joko du eta horrekin termometroak 33-34ºC-tara igoko dira. Arratsalde erditik aurrera ipar-haizea sartu eta zertxobait freskatuko du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
