Goizean oraindik hodeitza handia izango da eta euri pixka bat izango da. Hala ere, oso gutxi botako du. Eguerditik aurrera atertu eta eguna amaitzerako ostarte batzuk izango ditugu. Haizeak ipar ukitutxo bat izango du eta tenperatura maximoak koskatxo bat igoko dira, eguneko erdiko orduetan 17-18ºC-tan joaz goia.
Ostirala (ekainak 19)
Eguraldi egonkorra. Zeruan oraindik hodei dezente agertuko da, batez ere, goizean. Hala ere, ez da euririk egiterik espero. Arratsaldean hodeitza saretzen joango da, eguna amaitzerako ostarte zabalak ikusiko ditugularik. Haizeak aldakor joko du goizean, arratsaldean iparraldetik finkatuz eta tenperatura maximoak zertxobait igoko dira, eguneko erdiko orduetan 18-19ºC-tan joaz goia.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
