Larunbata (ekainak 6)
Giro lasaiarekin hasi arren eguna, orduek aurrera egin ahala eguraldiak okerrera egingo du. Goizean goiz giro argia izango da eta ostarte batzuk ikusiko ditugu. Eguerditik aurrera zerua estali eta euritara joko du. Hasiera batean zaparradak ahulak izango dira, baina orduek aurrera egin ahala zaparradek indarra hartuko dute. Haizeak ipar-mendebaldetik joko du eta tenperatura maximoak antzeko balioetan ibiliko dira, maximoak 19-20ºC-tan errendituz.
Igandea (ekainak 7)
Giro tristearekin hasiko da eguna, baina orduek aurrera egin ahala giroa lasaituko da. Goizean zerua estalirik egongo da eta euri zaparrada batzuk izango ditugu, orokorrean intentsitate ahulekoak. Eguerditik aurrera atertzeko joera hartuko du eta zerua zertxobait saretuko da. Haizeak iparraldetik joko du eta tenperaturak jaitsi egingo dira, giro freskoa utziz eta maximoak 17-18ºC-tatik pasako ez direlarik.