Giro lasaia izango dugu. Goizean hodei dezente agertuko da zeruan, baina garrantziarik gabeko hodeiak izango dira. Eguerditik aurrera ostarteak irekiko dira eta arratsaldea giro nahiko eguzkitsuarekin emango dugu. Haizeak ipar-mendebaldetik joko du eta tenperatura maximoek 20-21ºC bitartean joko dute goia.
Asteazkena (maiatzak 27)
Giro eguzkitsu eta epela. Goizeko behe-lainoa desegin ostean, giro eguzkitsua nagusituko da egun osoz, nahiz eta, uneren batean goi-hodeiren bat edo beste ikusi eta arratsalde erditik aurrera bero-hodeiren bat garatu. Bero-hodei hauek ez dute ekaitzik utziko. Haizeak ipar-ekialdera egingo du eta tenperatura maximoek nabarmen gora egingo dute, 24-25ºC-tan joaz goia.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
