Arratsaldean bero-hodeiak garatzen joango dira eta iluntze-gau alderako puntualki ekaitzen bat edo beste izango da. Haizeak iparraldetik joko du eta termometroak jaitsi eta ez dira 14-15⁰C-tatik pasako.
Ostirala (maiatzak 15)
Giro triste eta bustia. Egun osoz zerua estalirik mantenduko zaigu eta euri kontuak izango ditugu. Goizean euri zaparrada batzuk izango ditugu, tarteka mardul xamarrak. Arratsaldeko lehen ordutik iluntzerarte lasaialditxo bat izango da eta ez du euririk egingo. Eguna amaitzerako ordea, berriz ere euri zaparrada batzuk izango ditugu. Haizeak ipar-mendebaldetik joko du eta tenperaturak oso freskoak izango dira, maximoak 13-14⁰C-tan errendituz.