Otsailaren 28an, ostiralean, ekingo zaio aurtengo Gipuzkoako Eskolarteko Txapelketari eta Tolosaldeko lau ordezkarietatik birekin egon gara: Oibar Olano eta Ane Zubia bertsolariekin. Beraien bertso eskolan sartu gara eta lan nola egiten duten jakiteaz gain, beraien bertso ibilbide laburrak eta beraien asmoak zuenganatu ditugu.
Tartean, pasa den urteko irailaren 14ko, Kaleberako festetako bertso saioaz gozatu dugu: Unai Mendizabal, Oihana Iguaran, Mikel Artola, Imanol Irazustabarrena eta Iñigo Gorostarzu.
Irratsaio amaierako kantua: Ene mutillik ttipiena (letrak: anonimoak XVIII. mendea; musika: Mikel Urdangarin).