Duela sei urte hasi zen gorputzerako xaboi naturalak egiten azaleko arazoak konpondu nahian. Harrez gero, ilerako ere xaboia egiten du, eta arropak osagai kimikoak dituzten produktuekin ez garbitzeko hautua egina du. Berak egiten duen xaboia naturalarekin egiten du garbigailurako xaboia, eta baita ontzi garbigailurakoa ere.
Garbi du, osasuna zaintzeaz gain, ingurugiroarentzat ere hobea da: "Kostua txikia da, kutsatu ere askoz gutxiago egiten duzu, errekak ez dituzu kutsatzen, plastikozko ontziak ez dituzu erabiltzen, eta hondakin gutxiago sortzen duzu".