Gaurko saioan pilota izango dugu protagonistetako bat, hainbat modalitatetan. Irurak xarearekin duen loturak 100 urte bete ditu eta hori ospatzeko egingo dituzten ekitaldien berri eman dute herriko eragileek. Bestalde, Eneko Maiz billabonatarra Super Prestige trinketeko txapelketari buruz ariko da. Pilota kontuekin bukatzeko, Miren Larrarte bidaniarrarekin ariko gara Laboral Kutxa Emakume Master Cup txapelketaren inguruan, finalera iristea lortu baitu. Horrez gain igeriketa izango dugu hizpide, eta Nerea Pagola IKT Tolosaldea taldeko teknikariak Euskal Herriko Kopari buruz hitz egingo digu. Bukatzeko, Iraitz Arrospide maratoilari billabonatarrari egindako elkarrizketa entzungo dugu, Tokioko Olinpiar Jokoetarako gutxieneko marka lortu ondoren.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!