Oraindik egun guztian zehar ipar mendebaldeko haizearekin ibiliko gara. Tarteka bizi joko du eta hodei dezente agertuko zaizkigu zeruan. Euri zaparradak txikiak izango dira baina oraindik bustitzen jarraituko du. Iluntze gau partean hego haizea sartuko zaigu eta erabat atertuko du, ostarteak zabalduz. Tenperatura maximoak gehienez 9-10 gradutara iritsiko dira eguneko erdiko orduetan.
Biharkoan berriz goiza hotza izango da, 5 gradutik beherakoa. Ondoren, egun osoan zehar hego haizeak joko du, 12-13 gradutara iritsiz tenperaturak. Zeruan hodei asko ikusiko dugu, ostarte batzuk irekiko zaizkigun arren. Ateri egongo da.
Etzi, eguraldi lasaiarekin jarraituko dugu baina hego haizeak indarra hartuko du egunaren bigarren zatian. Tenperaturek zertxobait behera egingo dute 11-12 gradutan kokatuz eguneko erdiko orduetan. Euritarako joerarik ez du hartuko.