Azken orduetan berriz ere atertzeko joera hartuko dugu. Tenperatura maximoak zertxobait gora egingo dute, baina oraindik hotzak izaten jarraituko dute, 10-11 gradutan maximoak.
Bihar ere eguraldi bustia izango dugu egun guztian zehar. Zaparradak ez dira oso indartsuak izango. Tenperaturak berriz ere 10-11 gradutatik pasa ezinik ibiliko dira.
Etzi, goizean giro euritsua, zaparrada mardulekin. Arratsaldean gutxiago botako du eta egunaren amaieran giroa lasaitu egingo zaigu. Elur mailak behera egingo du, 1.000 metrotan kokatuz. Tenperaturek behera egingo dute, 9-10 gradutan mugituko direlarik eguneko erdiko orduetan.