Egunaren lehen zatian litro dezente pilatuko zaizkigu, baina ostarteak iritsiko dira arratsaldean. Tenperaturak gehienez jota 13-14 gradutara iritsiko dira.
Biharkoan, negu ukitua hartuko du eguraldiak. Fronte bat sartuko zaigu eta goietara oso aire hotza iritsiko da. Euritarako joera nabarmena hartuko du egun guztian zehar eguraldiak. Tenperaturak asko jaitsiko dira, 10 gradutatik ezin pasaz. Elurraren mailak ere behera egingo du, 1.000 metroren bueltara jaitsiz puntu batzuetan.
Etzi, eguraldi kaxkarrarekin jarraituko dugu. Tenperaturek behera egingo dute, eta elurra 700-800 metrotara jaitsiko da.