Eguraldi euritsuarekin jarraituko dugu gaurkoan ere. Egun osoan zehar zaparradak izango ditugu. Eguerdi partean lasaialditxo bat izango duen arren, gero mendebaldeko haizearekin zaparradek indarra hartuko dute, litro dezente pilatuz. Tenperatura, berriz, 15 graduren inguruan ibiliko dira maximoak.
Biharkoan, pixkanaka hobera egingo du. Eguerditik aurrera nabarmen egingo du hobera; erabat atertuko du eta ostarte batzuk zabaltzen hasiko zaizkigu. Eguna bukatzerako zeruan hodei gutxi ikusiko dira, eta eguraldi lasaia egongo da. Arratsaldea, esan bezala, eguzkitsua izango da. Tenperaturek apenas egingo dute gora, 15 gradutatik pasatzea kosta egingo zaielarik.
Etzi, berriz, hego haizea bueltan izango da eta eguraldi eguzkitsuagoa edukiko dugu. Tenperatura maximoak 22-24 gradutara igoko dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
