Eguraldi makurra

Eguraldiak nabarmen egingo du okerrera gaurkoan. Goiz partean oraindik giro nahiko lasaia izango dugu, baina eguerditik aurrera haizeak ipar ukitua hartzen duenean euritara joko du eta nabarmen egingo du okerrera.

Zaparrada mardulak botako ditu arratsaldetik aurrera eta litro dezente utziko ditu. Eguraldi makurra izango da egunaren bigarren zatian. Tenperaturek atzokoarekin alderatuz behera egingo dute eta gehienez jota 15 gradura iritsiko dira. 

Biharkoan zaparradak izango dira, nahiz eta ahulagoak. Hala eta guztiz ere litro asko pilatuko zaizkigu. Haizeak goiz partean eta eguerdira bitarte ipar ukitua izango du. Arratsalde partean hego mendebaldetik finkatuko da, baina, hala ere eguraldiak ez du sosegatzeko itxurarik hartuko. Tenperaturak 13-15 gradu bitartean ibiliko dira, hotz punttu batekin. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!