Goiz partean oraindik ere hodei dezente agertuko da, eta euri pixka bat egingo du, baina orokorrean oso gutxi botako du. Euri langarretan botako du botatzen duena eta litro gutxi pilatuko zaizkigu. Arratsalde partean atertzeko joera hartuko du eta ostarte batzuk ere zabalduko zaizkigunez eguraldi argiagoa izango dugu. Hori bai, ipar mendebaldeko haizea ibiliko denez egunaren lehen zatian tenperatura maximoek behera egingo dute; 20-22 gradutik pasatzea kosta egingo zaie termometroei.
Biharkoan, berriz, termometroak koska pare bat gora egin eta eguraldi polita izango dugu, batez ere, egunaren erdiko orduetan.