Bukatu da Udako Argazki Lehiaketan parte hartzeko epea. 109 argazki jaso ditu TOLOSALDEKO ATARIA-k eta guztiak daude ikusgai ataria.eus webgunean, Argazki Lehiaketa atalean.
Behin parte hartzeko epea bukatuta, bozkatzeko unea iritsi da; gaurtik urriaren 13ra bitarte egin ahal izango da. www.ataria.eus webgunetik bakarrik bozkatu ahal da. Hiru argazki aukeratu daitezke eta gailu bakoitzetik behin bakarrik bozkatu daiteke. Behin bozketa amaituta, bozka gehien jaso duenak Alkizako Inazio Urruzola txakolindegian lau lagunentzako bazkaria egin ahal izango du.
SARI GEHIAGO
Erabiltzaileen saria ez da izango banatuko den sari bakarra.
Udako Argazki Lehiaketan parte hartu duten Atarikide guztien artean Tolosako Zumardia elkarteak eskainitako bi neguko eski ikastaro zozkatuko dira.
Eta noski sari nagusia ere egongo da; TOLOSALDEKO ATARIA-ren epaimahaiak parte hartu duten guztien artean irudi bat aukeratu du eta egileak bi lagunentzako asteburu bateko egonaldia egin ahal izango du Lekeitioko (Bizkaia) Kurtxia landetxean.