Asteburuan tenperaturak pixkana behera egingo du. Biharkoan, ipar-haizearekin behera egingo du tenperaturak, 25 gradura arte maximoek. Goizaldean hodeigune dezente, arratsaldean hodei gutxiago, eta iluntzean ezin da baztertu ekaitzetara jotzea.
Igandean beste koxka bat behera termometroek. Ipar haizea ibiliko da. Goizean zerua estali xamar eta euri langar pixka bat egitea posible izango da. Erdiko orduetan ostarteak zabalduko dira eta arratsalde iluntzean ekaitzerako joera izan daiteke.
Astelehenean ipar haizearekin jarraituko dugu, termometroeek behera egingo dute 20 graduraino, eta ekaitzerarako joera nabarmenduko da, batez ere arratsaldean.
Asteartetik aurrera egonkortzeko joera hartu du berriro.