Gaurkoan, ipar-haizea nagusituko da, baina, bero egiten jarraituko du. Lehen orduetan eta goizaren erdialdera arte hego-haizea izango dugu, baina, hortik aurrera, ipar-mendebaldeko haizea sartuko zaigu, eta ondorioz tenperaturak behera egingo du. Hori bai, bero sargoria egiten jarraituko du. Zeruan hodeiguneak izango ditugu goizean, baina, arratsaldean garbitzera egingo du.
Asteburuan tenperaturak pixkana behera egingo du. Biharkoan, ipar-haizearekin behera egingo du tenperaturak, 25 gradura arte maximoek. Goizaldean hodeigune dezente, arratsaldean hodei gutxiago, eta iluntzean ezin da baztertu ekaitzetara jotzea.
Igandean beste koxka bat behera termometroek. Ipar haizea ibiliko da. Goizean zerua estali xamar eta euri langar pixka bat egitea posible izango da. Erdiko orduetan ostarteak zabalduko dira eta arratsalde iluntzean ekaitzerako joera izan daiteke.
Astelehenean ipar haizearekin jarraituko dugu, termometroeek behera egingo dute 20 graduraino, eta ekaitzerarako joera nabarmenduko da, batez ere arratsaldean.
Asteartetik aurrera egonkortzeko joera hartu du berriro.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
