(H)arituz ari da bertso-eskolen ikasturtea amaitzen eta horrekin batera, urte osoan ikasitakoa plazaratzeko unea da hau. Berastegin ere ekainaren 10ean egin zuten bertso-saioa eta bertako ale batzuk ekarri ditugu. Unai Mendizabal (H)arituzeko koordinatzailearen aginduetara honako taldea jardun zen: Jon Urkizar, Oihana Aranzabal, Nahaia Azkue, Manex Uharte, Mikel Garmendia, Lorditz Garmendia, Eneko Bereau, Lax Hernandez eta Aiara Agirrezabala.
Apirilean, Gipuzkoa Bertsotanen atarian, Alkizan eta Galtzaundi tabernan ospatutako bertso saioetako bertsoaldiak ere entzun dira.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!
