Asteburuari begira, biharkoan, eguraldi sano eta atsegina izango dugu. Zerua ia urdin mantenduko da. Goizean goiz hodeiguneren bat ikusiko dugu, baina, hortik aurrera ia ez da hodeirik ikusiko. Haizeak ekialdeko ipar-ekialdeko ukitua izango du, eta tenperaturak gora egingo du pixka bat.
Igandean, giro lasaiarekin jarraituko dugu, baina zikinago egongo da. Hodei gehiago izango dugu, baina ez dute euririk utziko. Tenperaturak 16-18 graduraino igoko dira.
Astelehenean, nahastu egingo da. Goizean hego-haizearekin tenperatura altuak eta hodeiak espero ditugu. Arratsaldean, fronte baten eraginez euritara joko du.
Joerari dagokionez, badirudi asteartean giro motelarekin jarraituko dugu. Ondoren giro epelak eta atseginak espero ditugu, baina, ostegunetik aurrera fronteak sartzen joango dira ekaitzetarako giroa ekarriz.