Eguraldi ezegonkorra izango dugu gaur. Egunaren lehen zatian hodei asko pilatuko dira, eta ezin da zaparradak izatea baztertu. Arratsaldean atertu eta ostarteak zabalduko dira. Bihar, goiz partean hodei asko eta zirimiri pixka bat egin dezake. Eguerdirako atertu eta arratsaldean ostarteak zabalduko dira. Tenperaturak 20 graduren bueltan ibiliko dira. Igandean, hodei gehiago eguerditik aurrera eta tenperaturak zertxobait gora egingo du. Joerari dagokionez, astelehenean eguraldi ezegonkorra, tenperatura epelekin eta ekaitzekin. Orokorrean tenperatura 20 gradutik gora geratuko zaigu, baina, ekaitzetarako joera nabarmenduko da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!