Jokin Altunaren partidaren itzalean geratu zen arren, Atano III.a pilotalekuan Jon Erasunek handia egin zuen asteartean. Ugalderen aurka 22-21 irabazita, zizurkildarra finalerdietarako sailkatu zen. Tolosaldeko beste pilotari baten aurka jokatuko du Promozio Txapelketako partida hori, igandean, 17:00etatik aurrera, Ikaztegietan. Irabazlea finalean izango da, eta ondorioz, Tolosaldeak ordezkari bat izango luke txapelaren azken lehian: Erasun edo Urretabizkaia.
Beste finalerdia Gorkak eta Bakaikoak jokatuko dute. Hau ere igandean izango da, baina Orduñan (Bizkaia).
Promozio Txapelketako finala maiatzaren 19an jokatuko da, Iruñeko Labrit pilotalekuan. Hirugarren eta laugarren posturako partida, aldiz, maiatzaren 11n izango da.