Jon Ijurko Etxerateko kidea izan dugu hilero moduan. Batetik, espetxeen bira eta Pariseko manifestazioaren balantze baikorra egin digu, aske geratu diren Txus Goikoetxea eta Andoni Goikoetxea presoez hitz egin digu, Ibon Iparragirre larri gaixo dagoen presoaz ere aritu da, eta abenduaren 24rako Tolosan eta Villabonan deitutako manifestazioez, 29an hileko azken ostiraleko elkarretaratzeez eta abenduaren 31ko Aiztondo bailarako udalek deitutako Villabonatik aterako den manifestazioaz ere aritu zaigu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!