80ko hamarkada hasieran, Londreseko Blitz bezalako kluben inguruan sortutako musika mugimendua izan zen new romantic delakoa. Punkaren gainbeheraren ostean, glam-rockaren eraginpean, new wave estiloaren azpigenero bezala koka daiteke. Gitarra elektrikoen ordez, sintetizadoreen erabilera nagusitu zen musika hau landu zuten taldeen artean, eta batez ere, estetika jakin bat: askotan XIX. mende hasierako arropa, orrazkera estilizatuak, makillajea, gizon nahiz emakumeek erabiltzen zutena. Ultravox, Culture Club, Wham, Depeche Mode, Alphaville, OMD, Nena, Kraftwerk, A-ha, Spandau Ballet, Human League eta Yazoo bezalako taldeen musika entzun dugu gaurko Entzuteko Jaioak saioan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!