Aurreko mendeko 70eko hamarkadan arrakasta izan zuen rock progresiboaren mugimenduari begiratu diogu Entzuteko Jaioak saioan. Erresuma Batuan sorburua izan zuen generoak Pink Floyd, Genesis, Yes edota Moody Blues bezalako taldeekin. Euskal Herriko musikari gazteak ez ziren eragin horretatik kanpora geratu eta 1975ean Errobik kaleratutako diskoaren ondoren, ugaldu egin ziren musika klase hori landu zuten taldeak. Horietako batzuk (Lisker, Enbor, Koska eta Sakre) bildu ditugu gaurko saioan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!