Txoriek kriskitinik joko balute, joan den larunbateko oholtza gaineko dantzarien antza lukete; edo, alderantziz. Euskal Herriko 41. dantza txapelketak hartu zuen, beste urtebetez, Segurako Baratze pilotalekua, eta eserleku nahiz harmaila guztiak bete ziren, hamahiru bikote parte hartzaileren pauso, oihu eta ahaleginak ikusteko.
(Bideoa: GOIERRIKO HITZA)
Tolosaldeak bi ordezkari zituen lehian, eta lan bikaina egin zuten biek ere, lehenengo bi postuak eskuratuz: Xabier Artola irurarrak eta Idoia Besada pasaitarrak irabazi zuten, bigarrenez jarraian, Irurako udalerria ordezkatuz; Ane Urruzola billabonatarrak eta Iker Sanz lezotarrak, berriz, bigarren postua lortu zuten. Podiuma osatuz, Amets Amubieta eta Larraitz Larrañaga azpeitiarrak sailkatu ziren, sueltoko lehiaren hitzordu garrantzitsuenean.
_tokikom_735x413.jpg)
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!