Bertan izan ziren, besteak beste, Jokin Azkue Eusko Jaurlaritzako euskara sustatzeko zuzendaria , Mertxe Mujika AEK-ko koordinatzaile nagusia eta Ana Karrere Andoaingo alkatea. Argazkian, eskualdean eskolak ematen jarduten duen irakasle taldea, euskaltegi berrian.
AEK-k eskaintza zabala egingo du Tolosaldeko hainbat herrietan
Aurreko ikasturtean Andoaingo euskaltegian euskara eskolak emateaz gain, AEK-k ikastaroak antolatu zituen Zizurkil, Villabona, Berastegi, Irura, Anoeta, Altzo eta Ikaztegietan.
Aurten ere herri horietan taldeak sortzeko asmoa dute eta iraila bukatu bitartean matrikulazio kanpaina zabalik izango du AEK-k. Andoaingo euskaltegia, astelehenetik ostegunera 10:00etatik 13:00etara eta 17:00etatik 20:00etara egongo da zabalik eta ostiraletan 10:00etatik 15:00etara. 943 59 17 04 telefonoan eta andoain@aek.eus helbidean ere izango da informazio guztia.
Maila guztietako ikastaroak antolatuko ditu AEK-k 2017-2018 ikasturtean, hastapen ikastaroetatik hasi eta erdi mailakoetara. AISA taldeak eta azterketak prestatzeko aukera ematen dutenak ere izango dira aukeran.
Udalez udal, euskara ikastaro hauek diruz laguntzeko ordenantzak onartuak dira.
