Lehen eta oraingo txapelketaren artean bada nabarmentzeko aldaketa bat: antolakuntza. Jende gehiagok hartzen du parte orain, eta hori onerako izan da. Eskualde desberdinetako txapelketak kontuan hartzen baldin badira, nire ustez hemen dago antolakuntza egiturarik onena. Bakoitzak bere zati txikia jarriz, denen artean zerbait handia osatzen da. Errazagoa da horrela lan egitea; alaiagoa eta gozoagoa. Eredu bat da; bizitzaren beste arlo desberdinetan hartu beharko litzatekeen eredua.
Haur eta gaztetxoak, berriz, gozotasun horren barruan aritu gozo dira pilotan; Tolosaldeko herri desberdinetako pilotalekuak ezagutzen. Horietatik geratzen direnek, larunbatean eta final batean, Alegiako Elorri pilotalekua ezagutuko dute. Harmailek ere izan dezatela gozotasun hori.
Luis Galarraga, Antolatzaile taldeko kidea.
