Ostiralean Albizturren eta igandean Lizartza eta Zizurkilen jokatu ziren finalerdiak. Kontuan izateko mailako partidak ikusi genituen, markagailuek erakusten dutena baino askoz estuagoak asko. Finalek, baina, maila bakoitzeko bi bikoterentzat bakarrik dute lekua: batzuen pena eta besteen poza.
Finaletan, eskuz, Benjaminak B mailan Zufiria-Gonzalez eta Hernandez-Garmendia bikoteak neurtuko dira; Benjaminak A mailan, Meulman-Otaegik eta Elola-Muruak jokatuko dute elkarren aurka; alebinetan, Gorostidi anaiak eta Ruiz-Mujika izango dira aurrez aurre; infantil mailako finala, berriz, Altuna-Uzkudun eta Perurena-Gabirondoren artekoa izango da.
Palako neurketei dagokienez, Kadete-Jubeniletan Larrarte-Esnaola bikoak Perurena-Agirre (Klaudia Bachen tokian jokatuko du Perurenak hura kanpoan delako egun horietan) izango du aurkari; infantiletan, Agirre-Murua eta Urkola-Sarasola lehiatuko dira; eta alebinetan, Jauregi-Aranburu eta Zubillaga-Navarro.