1985. urtean Euskal Herrian argitara emandako diskoetatik jasotako piezekin osatu dugu irratsaioa. RRV delako puri-purian zegoen garaian kaleratu zuen Kortatu taldeak bere lehen lan luzea. Ordurako bere bidea egina zuten, esate baterako, Zarama, Hertzainak eta Itoiz bezalako taldeek eta 70ko hamarkadako olatualdiaren ondoren bere tokia bilatzen ari ziren Benito Lertxundi edo Ruper Ordorika bezalako bakarlariak. Plaza taldeak bogan ere bazeuden 1985ean, Iparraldean Minxoriak taldeak eta Hegoaldean Eganek betetzen zizuten herrietako plazak. Folk munduan esperimentazioaren bidea hartua zuten Amaia Zubiria eta Pascal Gaignek eta urte hartan irabazi zuen Espainiako Folk Sari Nazionala Ganbara taldeak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!