Alde batetik Tolosako Aurrera Saiaz iritsi da finalera, eta bestetik, Usurbilgo Pagazpe. Finalaren barruan hiru partida jokatuko dituzte: lehena lau t’erdikoa, bigarrena frontoi osoan buruz-buru, eta hirugarrena binakakoa. Bi partida irabazten dituenak txapela jantziko du.
Aurrera Saiazen, ezustekorik ez bada, ondorengo pilotariek jokatuko dute: Iñaki Arratibel ataundarrak, Beñat Urretabizkaia ikaztegietarrak, eta Eneko Labaka eta Xabier Telletxea albizturtarrek.
Usurbilen eskualdeko piltari bat egongo da, izan ere, Xabier Urbieta asteasuarrak Pagazperekin jokatzen du. Beste pilotaria Quina, Santxo eta Dorronsoro izango dira. Maila handiko partidak aurreikusten dira, etzi, Amezketan.
