Tolosaldean ospatzen ari den mugikortasun astearen barruan, gau,r bigarren eskuko bizikleten azoka egin dute Villabonako Berdura plazan. Azokarekin batera, bizikletak konpontzeko tailerrak jarri dira Villabonan bertan, eta baita Zizurkilgo Joxe Arregi plazan.
Goizeko 9:00etatik aurrera materiala jaso dute Berdura plazan eta 10:30ean zabaldu dute azoka. Era guztietako bizikletak jarri dituzte salgai. Horrekin batera, mugikortasunarekin zerikusia duen materiala ere ikusi ahal izan da postuetan.
Villabonako Errebote plazan eta Zizurkilgo Joxe Arregi plazan, bizikletak konpontzeko tailerrak jarri dira, 11:00etatik 12:00etara. Villabonan, adibidez, Irrintzi elkarteko kideak aritu dira azalpenak ematen eta bizikletak konpontzen.
2015 ira 19 Amasa-Villabona Zizurkil
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!