Kizkitza Arozena sexologoarekin bikote harremanetan sortu daitezkeen arazoez hitz egin dugu. Gizonezkoen kasuan, isurketa azkarra dela gehien errepikatzen den gaia adierazi du, zakilaren gogortzearekin arazoak izatearekin batera.
Arazo horiek, hein handi batean, gaztetxo izatetik buruan ditugun ideietatik sortu daitezkeela dio sexologoak. "Esaterako, bikote harremanean sarketa dela garrantzitsuena eta benetako helburua pentsatzea edota harremanean gizona dela ardura nagusia duena pentsatzeak horrelako ondorioak izan ditzake".
Arazo horiek bikotean ondorio larriak izan ditzakete, baina, Arozenak esan duenez, konpondu egin daitezke, "jolasaren arauak aldatuta, bikotean pentsatuta, edota sarketa ez dela helmuga sinistuta". Hala, Kizkitza Arozenak dioenez, gorputzarekin konektatzea eta sentitzea lortzea da helburua.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!