Ostiral Mehea 2015

Txikienek atera dituzte mozorroak kalera

Aduna, Asteasu, Larraul eta Zizurkilgo ikasleak gaur atera dituzte euren mozorroak kalera; ikastetxe ezberdinetako ikasle, irakasle eta gurasoak kalejiran eta dantzan ibili dira gaur arratsaldean

Gaur arratsaldean Aiztondoko ikastetxe askotan ospatu dituzte inauteriak. Larraulen izan dira goiztiarrenak. Goizean kaldereroz jantzita ibili dira herrian zehar kalejiran, dantzan eta kantan. Plazan amaitu dute goizeko kalejira. Baina ez festa. Arratsaldean, Asteasuko lagunekin elkartu dira, Asteasun bertan, eta han ere festan jarraitu dute.

Asteasuarrak ere kaldereroz jantzi dira gaurkoan. Eta plazan zenbait dantza eskaini ostean, karroari jarraika kalejirarekin jarraitu dute. Aparkalekuan, talde guztiek euren emanaldia eskaini dute; suaren inguruan ibili dira dantzan.

Adunan kolore guztietako sukaldariak ibili dira kalean zehar. Ibilbidean zehar emanaldi ezberdinak eskaini dituzten arren, emanaldi nagusia udaletxe aurrean eskaini zuten. Sukaldariez gain, dantzari bikainak ere eskaini dute ikuskizuna. Ondoren, guztiak txokolate beroa hartu dute.

Zizurkilen, berriz, herriko ikastetxe ezberdinak Elbarrena plazan elkartu dira. Bertan ikastetxe guztietako ikasleak dantzan aritu dira, ikusle asko begira zituztela. Ondoren, guztiei askaria eman diote gastatutako indarrak berreskuratzeko.

Amezketan, berriz, Zumadi eskolakoek atzo ospatu zuten Ostegun Gizena. Denetarik izan zuten bertan: sukaldariak, surfistak, igeriketa sinkronizatua, Talaiak, txakur desfilea…

Edonola ere mozorro batekin ala bestearekin, dantza batekin edo bestearekin, inauteriak ospatuz umorez betetako tartetxo polita igaro dute guztiek; norberak bere herrian.

Erlazionatuak

Ostiral meheko danborrada iruditan

Tolosa

80 lagun inguru irten ziren danborradan.
Lehen aldia, zezen plazako hondarretan

Tolosa

Ostiral Mehea aje eguna izaten da, baina zezen plazak ez du aterik ixten; haur eta gaztetxoek gozatu ederra hartu dute hondarretan zein harmailetan.
Ostiral Meheko irratsaioa

Tolosa

Ostiral Meheko irratsaioan, kirol munduko herritarrek inauteriak nola biziko dituzten kontatu dute.
Txistulariak, eguneko protagonistak

Tolosa

Ozenki txistulari taldeak heltzen dio inauterietako giroari Ostiral Mehean.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!