Ostiral Mehea 2015

Lehen aldia, zezen plazako hondarretan

Ostiral Mehea aje eguna izaten da, baina zezen plazak ez du aterik ixten; haur eta gaztetxoek gozatu ederra hartu dute hondarretan zein harmailetan.

Atzo lehertu zen jaia, atzo loratu ziren ortzadarraren kolore guztiak, Tolosa gainera. Gaurkoa, ordea, eguraldiaren bideari jarraituz, egun grisa izaten da. Jende helduak gris hori baliatzen du ohean edo besaulkian mantapean geratzeko, baina, inauterizale txikienek festarako grina freskoa izaten dute oraindik.

Eta horretarako dago zezen plaza, ateak zabalik izaten baita Asteartita iluntzera bitarte. Kabi Alaiko txaranga izan da, gaur ere, plazara igoera gidatu duena eta, harmailak eta hondarra sekula baino beteago zeuden, zezentxo eta pottokez gozatzeko.

Zezen plazara salto egin zuteneko lehen aldi hura gogoan izango dute gaztetxo askok, gaur arratsaldeaz oroitzean; batzuk, zezentxoen aurrean errekorte batzuk egitera ausartu direlako eta, beste asko, pottoken atzetik korrika ibili eta gurasoak hondarretatik agurtu dituztelako.

Itxuraldatzeko egunen esperoan, festarako aitzakia gutxi behar dute tolosarrek, eta ajea gainditzeko aitzakia ederra da gaur gauari, berriro, dantzan ekitea.

Erlazionatuak

Ostiral meheko danborrada iruditan

Tolosa

80 lagun inguru irten ziren danborradan.
Txikienek atera dituzte mozorroak kalera

Aduna, Asteasu, Larraul eta Zizurkilgo ikasleak gaur atera dituzte euren mozorroak kalera; ikastetxe ezberdinetako ikasle, irakasle eta gurasoak ka...
Ostiral Meheko irratsaioa

Tolosa

Ostiral Meheko irratsaioan, kirol munduko herritarrek inauteriak nola biziko dituzten kontatu dute.
Txistulariak, eguneko protagonistak

Tolosa

Ozenki txistulari taldeak heltzen dio inauterietako giroari Ostiral Mehean.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!