Herri askotan errekak ateratzear egon dira, eta zenbait pasagune itxi egin behar izan dituzte. Tolosan esaterako, Araba etorbidetik San Esteban auzora joateko trenbidearen azpitik doan pasabidea itxi egin behar izan dute ur asko pilatu delako bertan. Eta errepidean, Donostia aldetik Villabonarako sarrera erabat itxita egon da. Orain irekita dago baina autoak poliki doaz, auto bat errepidetik atera delako. Ez da zauriturik egon. Datozen orduetan elurra izango da albiste, elur maila 600 eta 500 metroren artekoa izango da, eta 400 metrotara jaitsi daiteke. Tenperaturak jaisten joango dira.
Eguraldia egonkortze aldera egin du, eta horrek errepideetako eta erreketako egoera hobetu du. Azken orduetan egindako euriak, hala ere, zenbait arazo sortu ditu eskualdean. Arratsaldean txingorra ere bota du, eta Villabonako kaleak zuritu ditu Atarikide batek bidalitako bideoan ikusi daitekeen bezala.
Erlazionatuak
Uholde arriskua dago eskualdean
2015 urt 30 Tolosaldea
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!