Tolosaldeko hiru aizkolariak, azken hiru postuetan

Asier Imaz 2014ko urr. 27a, 20:16

Euskal Herriko Aizkora Txapelketaren finala jokatu zen atzo Beasainen. Aitzol Atutxa dimarra izan zen nagusi, 40:58ko denborarekin.

Ez da marka ona, txapelketaren historian txarrena, baina Atutxa gazteak erakustaldia eskaini zuen Arratzain pilotalekuan, eta ordulariari baino, txapelari begira egin zuen aizkoran. Azurmendi, bigarren sailkatua, alboan izan zuen lanean Atutxak, eta aurkaria gertutik zainduz, eroso aritu zen lanean. Batez ere, azken sei enborretan.
Tolosaldetik hiru aizkolari joan ziren finalera, eta Jon Irazu zizurkildarra izan zen onena. Kinieletan besteak aurretik zituen Irazuk, baina ez zen Otañoren eta Otaegiren eguna izan. Txapela urruti gelditu zitzaien hirurei, baina baita hirugarren postua ere. Batez ere aipatu ibartarrari eta zizurkildarrari. Ahaztu eta ikasi, gerriko minetik berreskuratu eta lanean jarraitzea gelditzen da; Dimarako distantzia murrizteko, behintzat.

 

1- Aitzol Atutxa: 40:58
2- Iñaki Azurmendi: 43:05
3- Joxe Mari Olasagasti: 47:59
4- Jon Irazu: 48:59
5- Unai Otaño: 51:29
6- Joseba Otaegi: 52:52

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!