Eskualdeko zazpi arraunlari aurtengo TKE ligan

Ataria 2014ko ekainaren 30a

Atzo eman zitzaion hasiera arraun munduko maila goreneko txapelketari, San Miguel ligari. Bertan, Tolosaldeko zazpi arraunlari izango dira: Iñigo Jauregi, Jon Lizarralde, Jon Ander Agirre, Ugaitz Mendizabal, Eneko Zabala, Xabier Zabala eta Endika Lopez. Azken honekin izan gara Eutsi Goiari saioan, maila horretan debuta egin baitzuen atzo Bartzelonan jokatutako lehen estropadan.

Oriok irabazi zuen TKE ligako lehen estropada. Mediterraneoko urak guztiz nahasi ziren, eta horitxoak izan ziren nagusi nahasmen horren erdian. Bigarren Urdaibai izan zen, eta Kaiku hirugarren. Aurengo denboraldian, baina, eskualdeko zazpi ordezkari izango dira:

- Iñigo Jauregi, Tolosa (Hondarribia)

- Jon Lizarralde, Tolosa (Hondarribia)

- Endika Lopez, Tolosa (San Juan)

- Eneko Zabala, Aduna (San Juan)

- Xabier Zabala, Aduna (San Juan)

- Jon Ander Agirre, Tolosa (San Pedro)

- Ugaitz Mendizabal, Irura (San Pedro)

Horrez gain, Urdaibaiko bigarren entrenatzaile lanetan arituko da beste behin Anjel Larrañaga tolosarra.

kirola

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!

EGIN ATARIKIDE!