Tolosaldeko Aralarrek "iritzi eta jarrera politikoetan egon daitezkeen diferentziak elkarrizketaren eta eztabaidaren bidez bideratu behar direla uste dugu, ez irainaren bidez", esan du. "Etorkizuneko Euskal Herria adostasunak bilduz, eztabaidaren bidez ezberdintasunak landuz eta elkarlaneren bidea jorratuz eraiki ahal izango dugu soil-soilik. Gainerako bideak antzuak eta irteerarik gabekoak dira", gaineratu du.
Eskualdeko ezker abertzaleak EAJk ekintza beraiei egotzi izana salatu du. "Euskal Herrian azkenaldian bere bizilagunei zuzentzeko 'kaka' hitza erabili izan duen alderdi bakarra EAJ izan da, Sestaoko alkatea, hain zuzen ere. EAJk ez dio Sestaoko alkatea bere kargutik kendu eta beraz, EAJk ez du inolako sinisgarritasunik beste batzuei horrela ez zuzentzeko eskatzeko", esan du. Era berean, EAJk gertaera hauek Espainiako bandera jartzeko aginduarekin lotu duela ere arbuiatu du, "inolako funtsik" ez duela esanaz. "Gure eskua luzatzen diogu EAJrik gurekin batera aritzeko euskal ikurren defentsan eta Espainiako ikurren aurka. Eredu sozio-ekonomikoan sakontzeko desberdintasunak izan arren (AHTaren xahuketa, osasungintzaren eta Kutxabank-en pribatizazioa, Sestaoko alkatearen irainak...) Euskal Herriaren erabakitze eskubidaren alde batera aritzeko tarte handia badaukagula uste dugu". "Tolosaldeko ezker abertzalea pres dago EAJrekin batera aritzeko", esan dute.
