Iker Garin (LAB): "Abaltzisketan eta Murtzian irakatsiko dena berdina izatea lortu nahi dute"

Orain gutxi abiatu da hezkuntza legearen erreformaren tramitazioa Espainiako kongresuan. Azken 35 urteetan honakoa da hezkuntza munduan aplikatzen den hamaikagarren legea. Iker Garin, LAB sindikatuko irakaskuntza arloko arduradunak nabarmendu du, bizpahiru urtez behin legeak aldatzen badira, "nekez ebaluatu ahal izango da lege horiek balio duten edo ez"

LOMCE legeak berekin dakarrena alde askotatik aztertu daiteke Iker Garinen arabera. "Euskara baztertu egiten du legeak, irakasgai bezala bakarrik mantentzen duelako". Lege elitista eta zentralistatzat hartu du LABeko arduradunak hezkuntza erreforma. Are gehiago, "uniformizatu egingo du 0 eta 16 urteko irakaskuntza".

Ataria Irratian egin ditu hitzok, LAB sindikatuko irakaskuntza arloko arduradunak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!