Tenperatura altuak aurreikusten dituzte astebururako. Larunbatean Kantauri isurialdeko barnealdean tenperatura altuenak 38 gradu ingurukoak izatea aurreikusten dute, eta alerta laranja aktibatuko dute 12:00etatik 20:00etara bitarte.
Egoera eramangarriagoa egiteko, Tolosako Udalak lainoztagailuak jarri ditu herriko sei puntutan: Larramendi auzoko plazan, Plaza Berriko kioskoan, Alondegiko estalpean, Batxiler Zaldibia kaleko pergolan, Zumardiaundian eta Amarotzen. Herritarrek eskura izango dituzte, piztu eta bertan freskatzeko.
Muturreko tenperatura altuen aurrean neurriak hartzea gomendatzen dute adituek. «Datozen egunetan garrantzitsua izango da itzalean egotea, ur asko edatea eta gorputza maiz bustitzea. Neurri horiek bereziki garrantzitsuak dira ume txikientzat, adinekoentzat eta, oro har, egoera zaurgarrian dauden pertsonentzat. Neurri guztiak xehatuta, lotura honetan. Bestalde, Tolosak baditu babesgune klimatikoak: Zumardiaundia, San Esteban auzoko parkea, Zabalarreta parkea eta Usabal kirolgunea, besteak beste.