Duela egun batzuk atxilotu zituen Israelgo armadak Global Sumud Flotillako ekintzaileak —tartean, tolosar bat—. Atxiloketen ostean torturak salatu dituzte ontzidiko kideek, eta Turkiatik Euskal Herrira gaur iritsi dira sei euskal herritarrak. Loiuko aireportura iristean, ordea, oldartu egin zaie Ertzaintza, eta bi ekintzaile eta harrera egitera joandako beste bi kide atxilotu dituzte.
Gertatutakoa salatzeko eta atxilotuei elkartasuna adierazteko bihar elkarretaratzea egingo du Palestinarekin Elkartasuna plataformak, 12:30ean, Tolosako Triangulo plazan.