Beste urte batez, Tolosako Udalak 12 trafiko laguntzaile kontratatuko ditu inauterietarako, zehazki, Zaldunita, Astelenita eta Asteartita egunetarako (otsailak 15, 16 eta 17). Udaltzaingoaren laguntzaile arituko dira, eta udalerriko zirkulazioa kontrolatuta eta antolatuta mantentzen laguntzea izango da betebehar nagusia.
Zeregin horretan aritu nahi duenak hiru baldintza bete behar ditu. Batetik, 16 urte edukitzea; bestetik, eskolan graduatua izatea, lehen mailako lanbide heziketa edo baliokideren bat edukitzea. Azkenik, udalak esan du beharrezkoa dela euskara jakitea.
Oinarri guztiak eta hautaketa prozesuan parte hartzeko eskaera orria eskuragarri daude lan eskaintzen orrialdean. Interesdunek urtarrilaren 27ko 13:00ak bitarte dute aurkeztu ditzakete eskaerak; bi modu dituzte eskura: presentzialki, Udaten, eta telematikoki, tramiteen ataleko erregistro orokorraren bidez, eskaera orria beteta.